13. Ori an o pakatengan ta mo jiya do iwawalam no tap do pongso oya ta beken a to pasazida no tao oya o icicirawat ta ano minaranoranom am, akman so sang a omalosdo pilinongan na karatayan a todakcikcin so ahapan siya.

14. Ano thyka na rana ori a paimowain am, topamiwalam dang a mamahamaha, a manmama, to rana ji yavak no aep am, ori o karowan na rana jira, ano mamahad ori o karios da ori am, topamilingalingay do askesked no kavavahay da manita so miraraten anito, abo o mazid na no nakem am, ori o to na rana ngai a mangay do vahay na.

15. O cireng rana do thyngato ori am, tamo rana katenhngan o iwawalam no tao oya do ahapan da siya do mabneken a ipanazigaga da so kariyos da, o patontonen do dang a vataen ko am, manoma pa am, paspangen do mamli so kanen a mavakhs ori an, kapa tonton so meakay do vazay na do kaciyan kano pangahahapan na do karakowan no wawa oya, kapatonton siya do minaamdawan siya do picyakanenan no tao oya, ori an pakapiya an nyo siya sazepezepen so metaw a akman so sang a iwawalam no tao.

創作者介紹
創作者 siyapenjipeaya 的頭像
siyapenjipeaya

蘭嶼樹人夏本奇伯愛雅(周宗經)

siyapenjipeaya 發表在 痞客邦 留言(0) 人氣()