No kanang am, kajina rana bo wan no bedbeden na nipangna, am abo pa o karo no among na, o lilikey a among do karay na am, papayoken na do vean a citaen, manireng pa am “tolang o ka trymakarilaw ko pa ya! Ji ko na ni masazi do araraw o ka ney raet no ngilin ko ya kowan na.” ori ka to na nirsirengan so katotao na, am to na lilio o iktan na niyakan no among, to na ngazimana rana o pamaslan na “inaoi no rako a among ori” kowan na, manoyong rana rako a among o nikoman siya, to na nezgekan no among. Mangay na pasivozen do wawa o paningawanno pamasilan na, monay am, o rakowa rarake am, to na vaoza ipamingit. A ma mgay mapopaw o paningawan no pamasilan do apot no wawa, karahan na am, itezgek na no among. Pakarotongan so kanen to da migicigici ori, abo jira o tomaroparo, o rako a rarake am, “abo ka pa ya” kwan na am, na pa talimoka do kacin o among ang, ma-ngay na citaen, beken na among ta abo so kasapan a tokap do cimoio. To meyoyaoya rana ori ya ka ji na vaci-vaciyan so pamasilan na, to miwalam rana ori a mangbongbos. Manireng am, manngo a ji yabo kapasivosivoz na so pamasilan no tokap a! ya among ori, ta ikakowan na sang, ya jingyan so anit a ya manavakez a kowan na.” to na nakem, ala akman sang siyo no pliyan so mataeb a vazay do vahay a ipataz tazmamaw da kwan na? marokaw ori. No citaen na am citaen na o to kap. Manireng na am. “paglohon ko pala o ranom do tokap ang, ala piya ioli ko a ihinoman kwan na.” no kakwa pa am, asiyo o pezapezatan no dede ori do ikalak a pezapezatan oya, ala iya paya do tao nimakasazi so pezapezatan no dede.

Paglohon na o ranom do tokp ori am, to sira makobot o sikarowa ma-bahazangbang a among, ngaran da am mavala, masaray rara o tao a tomeytesrassiya komozong siya do karay na, to rana apno o karay na, monay am, masaray rana o oneoned na moli do vahay da.

創作者介紹
創作者 siyapenjipeaya 的頭像
siyapenjipeaya

蘭嶼樹人夏本奇伯愛雅(周宗經)

siyapenjipeaya 發表在 痞客邦 留言(0) 人氣()